【中環】美國導演米高曼（Michael Mann）套新片《Cyber》，喺香港前前後後都開咗一個月工都未拍完，真係要多謝佢咁幫手，促進香港經濟。前晚幾位主要演員「雷神」基斯咸士禾夫（Chris Hemsworth）同女主角湯唯、王力宏，又喺中環嘅恒生銀行總行門外拍外景。
同一場戲都拍咗差唔多三日，不過前晚劇情冇咁悶，講述王力宏同湯唯呢對警察兄妹，開車載住飾演美國警察、嚟香港辦案嘅雷神。其間雷神同湯唯起爭執，湯唯衝出車外，雷神緊隨其後追上，輕撫佢塊面之餘，仲抱住親吻湯唯額頭，可以畀雷神咁錫，仲要前後拍咗成十次，真係恨死好多港女啦！
唔使埋位嘅時候，王力宏經常向雷神同湯唯展示佢代言嘅智能電話，認真唔話得。王力宏事後透過助手表示，今次跟米高曼合作，雖然要推咗好多工作同押後演唱會，不過都係值得，電影預計下個月拍完。
撰文：李森
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！