「我喺呢度恭喜英國皇室增添新成員，我哋向劍橋公爵、劍橋公爵夫人同埋小王子送上最衷心嘅祝福」。所謂「入鄉隨俗」，英國駐港總領事吳若蘭繼賀年短片以廣東話講賀辭後，前晚皇B出世，佢特登練咗句廣東話恭賀說話，祝福威廉王子一家，夠晒誠意。
上載訪問相到領事館專頁
喺網上一直好紅嘅若蘭BB，好識𠱁網民，佢噚日接受《蘋果》訪問時，即時上載張相去領事館專頁，搶埋《蘋果》即時新聞頭啖湯。張相一如所料獲網民like爆，話估唔到佢唔只識講「恭喜發財」，好驚喜咁話。
其實吳若蘭上年夏天知道要嚟香港做總領事，即刻努力學講廣東話同睇繁體中文字，估唔到一年多啲啫，已經練到幾乎字正腔圓，訪問時仲用廣東話同八方傾偈㖭呀！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange