【電波少女：感悟篇】
【本報訊】經過8日截順風車行程，電波少女Beryl昨日終於抵達西藏拉薩。不過，途中傳來一名騎單車入藏的北京青年，路經通麥天險時慘遭滾下大石砸死，剛巧同日她也乘車經過該一路段，得悉事件後，Beryl有感生命渺小，不禁落淚。
記者：張 軍 林 熊 徐雲庭
慘劇發生在本周日（21日），26歲北京青年李翔一行11人，騎單車穿越海拔約2,400米的通麥天險，他們騎行7.5公里後突然遇上泥石流，走在最前的李翔首當其衝，遭沿山崖滾下的石頭擊中頭部，當場不省人事，輾轉送往八一鎮的林芝地區人民醫院急救，惟途中已告不治。
感慨生命渺小
據李翔的同伴透露，李翔於上月28日與10名同伴在成都集合，一同騎單車沿川藏公路入藏，Beryl在同一晚經過通麥天險，她事後得知該處發生意外後說：「其實自己行嗰條路嘅時候都好驚，我全程對手都緊扣，祈求唔好有啲乜嘢大問題。你見到就算冇落雨，啲泥土碎石都係好鬆散咁跌落嚟，會覺得好危險，估唔到有人咁唔好彩，喺嗰條路遇難。」
說着說着，她不禁雙眼濕潤，「我估我喺路上可能都撞過嗰位北京青年，或者我搭順風車嘅時候佢就喺我附近，我有同佢講過加油。生命就係渺小到，佢前一刻仲喺度好努力，成功翻過咗好多高山去到嗰個位，但始終難逃一劫，只係差少少都完成唔到，我都戥佢好難過」。日前，她在左貢準備乘順風車走過另一險地、川藏公路最多彎的路段72道彎之前，亦在海拔4,658米的業拉山，在一片經幡下祈禱保佑可以一路平安。
通麥天險是沿川藏公路入藏者的必經之路，過了西藏波密後，行經通麥鎮，穿過通麥大橋後，就是約20公里長的通麥天險。該處是有名的塌方路段，每逢雨季更為險峻，車路僅容一輛車行駛。Beryl坐車於晚間駛過，當時還下着雨，滿路泥濘，步步驚心，直至翌日凌晨Beryl才順利抵達林芝。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange