港男成日話港女貪慕虛榮，可能好快傳遍世界咯，事關郵政署噚日發行一套六款嘅「中西婚嫁習俗」郵票，面值由1.4元至5元。八方有朋友留意到，其中名為「新郎新娘心心相印」、面值1.8元郵票，新娘右手婚戒粒鑽石大到唔合理，「粒石10卡都唔止啦。啲信寄去外國，人哋會以為香港女仔好拜金。」
原來郵票中嘅新娘婚戒戴喺右手，有別於習俗戴喺左手無名指。另一唔合理係新郎都戴咗隻鑽戒，而新郎件背心鈕釦放喺右邊，即係女裝設計，因為男裝通常喺左邊，有人質疑呢款郵票設計係咪暗藏支持同性婚姻？睇嚟呢款郵票唔係失實就係違反習俗，唔知郵政署會點處理？
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange