港大民意研究計劃噚日公佈最新一輪十大議員排名，結果有啲出人意表，因為兩位「超級」議員，工聯會陳婉嫻與民主黨涂謹申，今次雙雙跌出十大，取而代之嘅係田氏兄弟。狙擊狼英不遺餘力嘅自由黨田北俊，重返十大排第五；佢細佬新民黨副主席田北辰唔知係咪可能喺擴建堆填區風波中，鬧爆政府處理失當，即時被市民加分，首次上榜即排第三。
排榜首嘅依然係立法會主席曾鈺成，以59.6分創佢自己回歸以嚟評分新高。新民黨葉劉淑儀做阿二，公民黨梁家傑排第四；民主黨劉慧卿、何俊仁、工黨李卓人、社民連梁國雄同黃毓民依次排第六至十位。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange