【本報訊】阿姐豪宅前晚第三度遇竊，損失逾300萬元財物，圈中好友均表關心，藝人李克勤昨在尖沙嘴出席活動時說：「點解佢嗰度咁旺（爆竊）？我有傳短訊畀佢，最緊要人冇事，希望多少少警察巡。噚日我知佢去食飯，佢係同我《左麟右李》個監製食飯，估唔到就喺佢食飯嗰陣，被人爆竊。阿姐賺錢能力咁高，肉痛兩日冇事。」
在電視劇《女王辦公室》與阿姐合演母女的何韻詩，曾到阿姐大宅作客，她說：「我有去過阿姐屋企，係偏僻少少，得條路入去，好彩人冇事。」她自嘲家中沒有值錢東西，連自己性命也不值分文，貴重的只得新秀獎座。
荃迷大為擔心
事件亦引起「荃迷」大為擔心，截至昨晚9時前已有639個評論，「香港警察真的要做嘢了，呢啲就係慣賊。」「錢可以賺過，人沒事才是最重要。」「阿姐要保重身體啊，錢財身外物，我們荃迷聽到這消息很痛心。」「香港近年失竊案件頻繁，破案極少，有失控之勢頭。」「三次，啲賊真係食過翻尋味，做藝人一啲安全感都冇。」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange