《怒》葉姵延星期日喺加拿大羽毛球公開賽女單輸咗畀妮查恩，攞唔到近3年嚟嘅首項錦標，好在港隊混雙組合李晉熙/周凱華喺決賽贏咗荷蘭代表，繼美國公開賽後再贏冠軍，成績唔錯，香港fans先笑得出。不過講到最好笑，就係男雙決賽，由兩隊泰國組合內訌，但就由打波變打交。話說雙方各一名球員博丁同瑪尼蓬比賽期間先口角繼而動武，仲追打到隔離場，直到教練阻止先分開。由於博丁郁手打人在先，最終被裁判取消參賽資格，而瑪尼蓬一組就得到冠軍。據了解，打交兩人之前係雙打拍檔，倫奧仲殺入男雙8強，博丁早前因私人理由話希望退出羽壇，之後又同另一搭檔參加比賽，唔知關唔關瑪尼蓬事呢？
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange