堂堂工聯會榮譽會長，竟然公然職業歧視，話艷星唔可以參選特首？噢，只許「政治艷星」媚共，不准影壇肉彈參政，咁公然大細超，怪唔之咁多人咁㷫，鬧爆鄭耀棠冇腦。好似70年代已拍艷情片嘅邵音音（圖）咁，忍唔住喺微博向鄭耀棠開拖，諷刺「腦殘」先真正最可悲。咁又係，邵音音近年都憑《打擂台》攞過金像獎女配角，證明艷星一樣係實力派，點解要被「腦殘」人士歧視？
鄭耀棠發表相關謬論後，原來好多人打去「安慰」邵音音，音音姐噚日透過八方向各好友致謝，話唔使擔心佢唔開心，事關佢完全唔介意，指事件只反映鄭耀棠作為政治人物，欠缺政治人物應有嘅智慧！
日前睇新聞見到鄭耀棠咁講，真係嚇咗音音姐一跳㗎，佢覺得棠哥真心歧視艷星，估計對方可能認定艷星係做戲、波大、冇腦，自以為攞呢個例子出嚟就有更多人撐篩選，事實證明唔係囉，怪唔得音音姐忍唔住喺微博留言：「事業傷殘、身體傷殘被歧視沒問題。腦殘才是真正的可悲！ 」
最估唔到係音音姐自爆識咗棠哥好耐㗎嘞，過往大家喺公開場合見到，都會點頭打招呼，仲讚鄭耀棠平時份人幾好㖭。再見仲係唔係朋友？音音姐話喎，「唔知到時人哋會唔會歧視我，可能唔想同我打招呼呢」，仲話鄭耀棠罪毋須收回言論，因為如果佢嘅思維係喺嗰度，叫佢收番都冇用。
黃秋生facebook發功
黃秋生都喺facebook發功：「嗰個鄭耀棠，哈哈哈哈，有冇腦㗎？」睇嚟鄭耀棠係時候做吓身體檢查喎。係囉，計八方話，無謂歧視「政治腦殘」嘅人啦，佢哋要聽阿爺指揮，唔可以有獨立思考，都真係好慘㗎。
mailto:[email protected]
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange