喺新聞資訊同埋體育盛事之間，香港良心台噚日作出咗一個沉痛嘅抉擇，就係優先照顧咗球迷嘅福祉。噚日傍晚有場友誼賽，名古屋鯨魚對阿仙奴，六點半上演。亞視為咗直播呢場馬會有開盤嘅球賽，將平時播足40分鐘嘅《六點鐘新聞》，狂cut到得番14分幾鐘。
通訊局話，根據本地免費電視節目服務牌照規定，持牌機構須於每日下午6點至12點之間，播放兩次詳盡新聞報道，每次不少於15分鐘。就係咁樣，噚日播得嗰14分零40秒嘅《六點鐘新聞》（圖，箭嘴示），秒殺咗牌照規定。通訊局話，如果收到投訴，就會按照既定程序處理。八方都搵過亞視公關，不過到截稿時都未覆。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange