《衝上雲霄II》熱爆全城，淨係兩位chok到暈嘅男主角張智霖同吳鎮宇已經話題性十足，可惜國泰航空（293）今次冇贊助套電視劇，冇得乘機夾住做宣傳，蝕章了，新近國泰喺尖沙嘴嘅辦事處仲要大屋搬細屋㖭呀。
1.2萬呎變3千呎
國泰喺機場有個國泰城，絕大部份員工都喺裏面返工，但為咗方便旅客攞機票、問資料，國泰喺市中心一直有個辦事處，最早喺中環太古大廈（位置係𠵱家遮打大廈）。
後來搬去尖沙嘴半島大廈，2007年底轉為租用港威大廈1.2萬平方呎地方，但因租約期滿，下月就要搬去金馬倫道The Cameron，只有3,000平方呎，絕對係大屋搬細屋。
九成員工返國泰城
地方細咗，𠵱家約90位喺尖沙嘴返工嘅國泰員工，當中有80位下月就要去國泰城返工，新辦事處只保留十幾人。
查實家陣好多人網上訂機票或者出電子機票，打電話或上網攞資料亦好方便，越來越少人需要親身去航空公司攞機票，國泰喺尖沙嘴租用咁大地方做票務的確唔划算；加上航空業前景一般，公司慳得一筆得一筆，大屋搬細屋，租金開支應該平啲，小股東都滿意吧。
李華華
mailto:[email protected]
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange