【本報訊】樓市冰封，業主唔肯放盤，市場一盤難求，即使有客也難有盤介紹。本報記者偵查所得，無盤在手的蠱惑代理，千方百計向同業頴盤，綜合有三招，分別是扮記者攞料、扮客睇盤、借朋友過橋，務求在乾塘歲月，搶獨家盤吊命。
不具名代理在舊樓林立的地區搵食，曾扮記者打電話向行家套料，「話自己係某報記者，問佢某大廈有乜盤可以介紹，通常代理係唔會講咁多，但我話我有必要知，因為唔想和同事撞盤，咁樣佢都會講晒出來。」然後按圖索驥，親身上門找業主搵他放盤。
扮客扮記者套行家料
不過，他亦曾失手，「有次個代理同你哋（記者）好熟，佢竟然一邊傾電話，一邊WhatsApp和相關記者確認身份，結果衰咗﹗」
另一名東九龍代理就曾被行家「放蛇」，「打電話來搵盤，問佢租定買、幾房、幾錢，統統都要知，一聽就知係行家」，他又說：「有次帶客睇咗十幾個盤，後來發現同區行家都有我啲獨家盤，噢﹗原來嗰位睇樓客係佢嘅好朋友，業主仲同我講，該代理話可放更高價錢。」
他補充，多年前甚至有代理行以10元一個盤的價錢，聘請師奶收集行家盤源。
送優惠券誘業主放盤
一名沙田代理就以網友身份相約網上放盤的業主睇樓，事後再搵同事與其接洽。他補充，其實搵盤不外乎「cold call」、入信箱、打電話，以至用優惠券吸客，如獨家放盤可獲200元超市禮券，「優惠券呢招通常喺私樓業主身上唔work（可行），但公屋、居屋業主就好受落。」
惟就算搲到盤，都要搵人接貨，在東九龍細行搵食多年的代理呻：「SSD鎖死三年，無人上車；投資者亦因為辣招，唔買樓收租。由農曆新年到𠵱家都未開單，做租分得幾多佣，月租一萬單位，分千零蚊，過去半年，底薪連佣金都唔過九千蚊，仲衰過最低工資。間舖未執，我已經跳船!」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange