中環歌賦街3號牛記茶室，今年4月因業主要求大幅加租而結業，結業前，唔少人去幫襯湊熱鬧，緬懷一下呢間做咗幾十年嘅茶餐廳，轉眼3個月過去，華華噚日經過牛記原址，發現仲係拉咗閘，而且貼滿招租告示，唔通未有人畀得起貴租去租？
業主請食閉門羹
向地產經紀查詢，幾位經紀異口同聲咁話，曾經向業主問價，業主卻請佢哋食閉門羹，話呢個舖已經租出。如果係咁嘅話，咁可能係新租戶未收舖啦，不過租金應該唔平，冇理由租咗唔即刻裝修，盡快開張做生意㗎。
牛記老闆權哥曾經話，呢個舖嘅業主係已故「工廈大王」楊耀松家族後人，原先月租4萬元，舊年要求加租至12萬，牛記先要結業。牛記原址附近𠵱家既有歐陸咖啡店、著名日式麵店，又有美國高檔品牌服裝店，真係好想知道新租客經營乜東東。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange