如果7.1去咗遊行，錯過咗保皇黨提供嘅購物優惠，唔使擔心，樂施會喺怡和大廈嘅商店，提供仲筍過當日米蘭站嘅優惠，仲可以扶貧救災，幫助貧窮人士，由今日起至周六售賣由各方送來嘅捐贈嘅物品，包括過百個手袋、過百對鞋，全部以半價或低於半價售出，包括LV、Gucci等噏得出嘅大牌子，目標籌得20至30萬。活動噚日揭幕，樂施大使趙雅芝捐咗對Chanel黑色晚裝鞋，現售1,500蚊。樂施會董事會成員梁愛詩就冇捐，可能老人家鍾意收藏。記者噚日追問佢點睇張曉明嘅筲箕論，佢話唔擔心「筲箕方案」會失咗泛民支持，叫大家做多啲實際嘢喎，又一如以往借場合唔方便回應做擋箭牌。至於近日佢被華潤電力小股東入稟控告，佢就一句都唔答。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange