中文大學EMBA課程每年同港台合辦《與CEO對話》節目，其中一集已出街嘅係醫管局行政總裁梁栢賢，佢喺節目中大爆精裝追女仔情史，為愛情辭職。
梁栢賢當年喺澳洲讀完醫科返港，入聯合醫院骨科做醫生，佢女朋友隻眼突然眼角膜脫落，要盡快做手術。梁栢賢知道手術有一定風險，最嚴重係失明，於是同醫院請假。點知上司話醫院實在太忙，唔能夠批准請長假。
年輕嘅梁栢賢感到愛情最偉大，即刻決定辭工唔撈。好彩女友手術順利，呢位情聖仲喺女友一張開眼就同佢講，無論順境逆境、有病或健康、返工或失業，都陪伴一齊。甜到入心嘅女友梗係俾佢冧到，就成為咗今日嘅梁太喇。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange