阿仙奴繼續做熱身賽之王！於周一晚，他們在日本以3:1輕取名古屋鯨魚，熱身賽3戰全勝，合共攻入17球。為迎合日本市場，今場阿仙奴波衫的胸前贊助由英文改為日文。陣容方面，除了哥斯尼及施捷斯尼受傷外，阿仙奴今仗強陣出擊，包括基奧特、禾確特、阿迪達及沙格拿；兵工廠亦相當識做，安排日本翼鋒宮市亮踢正選。
宮市亮入12碼贏3:1
甫開賽，阿仙奴以兩翼狂攻鯨魚，3分鐘便得手；路斯基右路傳中，基奧特銅頭一搖，笠過鯨魚門將楢崎正剛入網。4分鐘後，宮市亮有個黃金機會；當時鯨魚禁區一片混亂，防守球員未能解圍，皮球落到宮市亮腳下，後者腳面一拉，僅於柱邊出界。25分鐘，鯨魚中堅田中鬥莉王鏟截基奧特時，不慎犯手球，阿仙奴獲得12碼；相信隊友都希望宮市亮在家鄉入波，所以交由他操刀，勁射破網，兵工廠半場領先2:0。
換邊後，鯨魚試圖壓上前搶攻，但未能造成威脅。56分鐘，阿仙奴翼鋒禾確特斜走入禁區，接應隊友的直線，單對單面對門將射入，將比數拉開到3:0。其後，兵工廠逐一換走禾確特及艾朗藍斯等主將，進攻漸漸放緩。72分鐘，鯨魚靠高空攻勢破蛋，田中隼磨右路傳中，矢野貴章在梅迪薩卡及沙格拿之間起跳，一頂入網，追成1:3至完場。
3場友賽共轟17球
阿仙奴先炒印尼明星隊7:0，再贏越南7:1，加上今仗贏鯨魚3:1，他們3戰全勝，攻入17球而只失兩球，周五將轉到埼玉與浦和紅鑽友賽。文：咖喱
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange