【韓戰下的香港】
「韓戰好無謂，死咁多人。」資深傳媒人韋基舜（圖）說。中共喉舌把中國軍隊介入韓戰描繪成「抗美援朝、保家衞國」的正義之戰。但經歷過韓戰下艱苦生活的上一代港人，並不認同。
打仗耗國庫 向富人開刀
「因乜理由要打？有乜益處？好多中國人話，以中國當時一個比較弱啲嘅國家，竟然可以同世界最強嘅國家打和，好滿意，好榮幸，咁係完全錯。」祖籍廣東三水的韋基舜，家族祖業也深受韓戰遺害。他說：「我哋家族亦都間接成為韓戰受害者，1950年代三反五反運動期間，中共沒收晒我哋喺廣州嘅物業，幾十年後先畀番一部份我哋。」
韓戰跟三反五反運動有何關係？韋基舜解釋：「韓戰死咁多人，勞民傷財。中共為咗打仗，虛耗國庫。因為冇錢，就發動三反五反運動，將有錢人嘅錢充公，要佢哋掃地出門。」
至於韋基舜自己，韓戰爆發當年，他17歲，準備升大學。「本來上廣州嶺南大學讀書，已經註冊準備開課，但有朋友話我知，我會被中共學生青年團批評。我當時作風好資本主義，成日食西餐，出入又坐車，佢哋百幾人，唔知幾時就來批評我一次，於是決定返香港。」
「返香港後，家人送我去美國密歇根州讀大學。我喺1951年1月上船，喺海運大廈碼頭坐總統輪離港。唔知係唔係我驚定乜，嗰時諗住唔知仲返唔返來，以後仲有冇香港呢？唔知！」不過當他五年後重返香港時，卻發現韓戰原來對香港也有利好因素。明日再談。
《蘋果》記者
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange