恆隆集團陳啟宗近日向財政司司長曾俊華開炮，狂轟鬍鬚曾沒有「應使則使」，實為「大罪人」。有政界人士對季陶說，不少「梁粉」私下稱，梁振英想在下一份施政報告推出大批派糖政策，希望挽回民望，但擔心鬍鬚曾及公務員「阻頭阻勢」，有官場中人指，公務員早已不信「派糖增民望」這一套，無奈「梁粉」堅持有用，又不理當中有多少問題，令他們左右做人難。
派糖換民望漸失效
該官場中人稱，早在煲呔做財爺年代，政府已用「派糖增民望」這一招，但只要看之後兩任財爺唐英年及鬍鬚曾的民望走勢，已可反映「派糖增民望」效用不斷下降，而且可用的派糖方案亦沒有新意，市民已覺得「派糖是奉旨、冇糖派係失職」，在此情況下，派糖可以產生的刺激民望作用已微乎其微！
另一前官僚則對季陶笑言，就算用陳啟宗建議，拿3,500億財政儲備起大學、建醫院，表面上似乎可以增加就業、有利香港民生，實際卻涉及大量問題，甚至成為未來政府的負擔：「講要起有幾難，但係有冇諗邊度搵咁多醫生、護士、大學教授？佢（陳）知唔知營運一間醫院、大學嘅經常開支要幾多錢？起完之後每年增加經常開支條數邊個找？」他說陳啟宗一如其他「梁粉」，「講就輕鬆，只諗點救梁振英，冇諗日後要政府埋單，結果咪又難為咗公務員」。
季陶
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange