《怒》維蘭路華要專心治病，冇辦法繼續執教，巴塞隆拿呢排都要努力物色新教練人選。據講巴塞隆拿已經鎖定咗最後兩位候選人，包括做過巴塞球員同埋B隊教練嘅安歷基，同埋有傳美斯意屬嘅馬天奴；仲有報道指巴塞會喺24小時內公佈新教練㖭。安歷基喺今夏接任為切爾達教練，準備進軍西甲，不過巴塞只要付出300萬歐元違約金，就可以挖佢過檔。
另外，前巴塞主帥哥迪奧拿剛喺周日帶領拜仁慕尼黑贏得電訊盃冠軍，喺決賽5:1大勝慕遜加柏，奪得入主以來首個錦標，新兵堤亞高艾簡拿達亦有一球進賬。有傳媒指哥迪奧拿其實早就已經同維蘭路華鬧翻，佢兩個嘅老婆仲曾經喺紐約公然打交。不過冇圖冇真相，我求大俠對呢單新聞就一定抱懷疑態度囉，當係單笑料咁聽過就算。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange