鄭俊弘、羅鈞滿、王君馨、陳明恩和張明偉等，前晚在將軍澳電視廣播城錄影無綫節目《星夢傳奇》第5集，當晚新加入戰圈有娛樂新聞台主播林子博及有「深圳歌王」之稱的TVB8主持姚兵，其中姚兵參加過央視的《夢想中國》歌唱比賽成為浙江省總冠軍， 全國排名第12，有一定實力。
現年34歲的姚兵加入無綫7年，之前唱過酒吧騷，希望像鄭俊弘般把握機會。有否信心唱贏他？姚兵笑說：「希望僥倖可以贏佢，但自己好耐冇唱。」前晚姚兵以一曲《你把我灌醉》參賽，他說：「以前喺酒吧唱抒情歌，俾老闆同酒客嫌棄，後來我豁出去唱呢首歌，點知反應好，畀番我信心。」林子博則唱當年向老婆求婚的《愛是永恒》，其妻女也到場打氣。
姚兵失準
至於贏開巷的鄭俊弘自彈自唱《Give Me One Reason》，問羅鈞滿鄭俊弘是否自己最大勁敵，他笑說：「我哋四集都係得一個冠軍，冇競爭，但當然想大家一齊走落去。」鄭俊弘也笑言：「係，我哋兩個係死剩種。」姚兵實力不容忽視，鄭俊弘說：「佢係高手，我聽過佢綵排，好堅。」姚兵擺明宣戰想贏，鄭俊弘只謂有少許壓力，但不會多想。
據知結果當晚只out了新人張明偉，他只得約160分。鄭俊弘繼續以高分約185分冧莊成為冠軍。至於姚兵初段表現不錯，但唱到尾段失準有些高音唱不到，被評判倫永亮狼批：「你好似將我灌醉至真。」姚兵聞言即黑面。羅鈞滿只得約161分，表現一般。前晚一集收視跳升至平均25點（約161萬人），比上周足足升了4點。另無綫外事部負責人昨日表示收到兩宗投訴，指《星》賽果兒嬉。
採訪：卓寶花
攝影：仇志德
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！