就算冇斯諾登爆料，眾所周知香港嘅政治人物上網一直都唔係太過安全。除咗早前香港大學個網絡有黑客入侵外，民主黨前主席楊森最近都俾黑客入侵電郵呀。森哥唔少朋友最近都收到佢個署名嘅電郵。電郵內嘅楊森，自稱喺菲律賓馬尼拉被打荷包，護照都俾人偷埋，好需要各方好友借錢應急咁話。故事發展落去，如果你乖乖入錢去指定戶口，當然會上當唔見錢啦。好彩有收到呢封電郵嘅朋友，好醒目咁打畀楊森，問佢係咪真係咁唔好彩，騙局好快被揭穿。今次究竟騙徒惡搞，定係受到國家級黑客攻擊？真係冇人知。不過楊森就話佢𠵱家人在香港，呼籲大家唔好上當。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange