李嘉誠從來是個商人，在香港做生意，只因香港錢易搵，易壟斷，絕非同大家講感情，更不會被人鬧兩句就要走頭。據政府數據，過去兩年香港超市增長逾10%及12%，但今年首5個月已開始放緩至約7%。另一邊廂，歐洲經濟差令一街都是平貨，電訊業整合亦有不少機會。故呢個timing賣百佳套現轉到其他地區投資，姑勿論符唔符合政治形勢，商業上卻是極合理的決定。不過，當然啦，如果有人漏少少風就可以同時畀到外界一種抗議feel的話，相信誠哥都唔介意被咁樣解讀嘅。
海迪好奇，邊個會接貨呢？原本喺香港已搞緊華潤萬家嘅華創（291），肯定對百佳極具興趣，阿爺又大把錢；只可惜華潤系𠵱家立立亂，華創應該揼晒地。至於經營惠康的牛奶公司，喺香港已經係No.1，萬寧及美心近年勢頭極佳，集團又投資柬埔寨及菲律賓超市，已有唔少growth driver，染指百佳唔太可能。其他國外超市集團，睇家樂福計劃將中國業務上市就知佢哋缺水。事到如今，最大機會似乎都係其他中資集團，或者可以將百佳整頓重組、然後再骨水嘅私募基金。
分析員估計，百佳一年自由現金流高達10億元，如以市傳賣盤上限價156億計，就當百佳再冇增長，穩定收錢，回報有6厘。吸引與否？觀乎誠哥多年賣產經驗，想喺誠哥身上搵銀，其實都要有非凡本事嘅。
海迪
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange