自從蒙牛乳業（2319）6月中宣佈，計劃動用超過百億元收購雅士利（1230），普遍大行都唱好呢單交易，指收購價吸引，可提高蒙牛每股盈利，繼續叫買入。
得到一眾大行支持，蒙牛股價簡直越升越有，最近仲突破30元大關，最高曾見31.35元，是近6年來最高水平。該股昨日收報30.75元，微跌0.3%。
瑞信暗示隨時抽水
蒙牛股價表現雖然強勁，高盛卻將其剔出確信名單，但繼續叫入貨，仲將目標價由29.15元，輕微上調14%至33.20元。全因內地乳業進行改革，蒙牛自然成為受惠者，加上不斷進行策略併購，業務逐步轉型成多元化乳業巨頭。
高盛發現，由於內地牛奶供應鏈十分零散，相對環球同業，蒙牛往往需要被迫畀多45%成本，以獲得有品質的原料奶，導致利潤率受壓。若果蒙牛能夠成功轉型至多元化及高端企業，加上收購雅士利交易完成，EBIT（息稅前）利潤率料可以由2012年的4.1%，改善至2017年的近8.2%。
不過，有一點值得留意，就係蒙牛接連進行多番併購，究竟其現金狀況如何呢？雖然公司之前已強調資金壓力不大，仲擁有健康現金流。但其實早前瑞信已經發表報告，提醒投資者蒙牛負債比率正在上升，唔排除會作出股本融資。
近日蒙牛勢如破竹，挑戰近36元上市新高，各位散戶，亂市強勢恐有因，萬事小心。
瑪姬兒
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange