書展日日有講座，黑頭髮黃皮膚作家大家就見得多，噚日忽然嚟咗位陽光外國型男，講緊嘅就係印度年輕作家Durjoy Datta。
得26歲嘅佢五年前重係學生嘅時候，寫咗本浪漫愛情小說《Of Course I Love You！》，一炮而紅成為印度暢銷作家。原本讀工程嘅佢話，本來只係得閒寫吓blog，喺朋友建議下開始寫書，估唔到會咁成功。
旅發局今次特別邀請Datta以香港為背景寫本愛情小說推廣香港。估唔到佢聲都唔聲，3月時拖住女友兼經理人秘密嚟香港考察，玩咗幾日先通知話可以傾合作細節。Datta話，要親自感受下香港先知配唔配合到個故事喎。佢本新作《Hold My Hand》以香港做背景，講一個高瘦戇男同盲女嘅愛情故事，嚟緊重會邀請印度電影學校嘅學生拍微電影，吸引人嚟香港旅遊。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange