無綫新劇《衝上雲霄II》入面個Captain Cool，風流，但型，搞到公司班女同事中晒「Cool魔」毒。套劇叫好叫座，唔單止令張智霖爆紅，亦幫到近來收視低迷嘅TVB（511）挽回少許面子，至於對冠名贊助嘅香港航空，幫助又有幾大呢？
話說TVB早於2010年就想開拍第二輯，亦想搵番國泰（293）做贊助。不過，傳聞當時國泰不滿演員負面新聞多，加上覺得巨額贊助第一輯後，回報唔算大，最終決定唔玩。兜兜轉轉，終由海南航空旗下嘅港航頂上。
就算國泰唔贊助，本身知名度已經夠高，唔玩都易理解。至於港航，做第一輯時都未出世，年資短，地位未穩，增加宣傳力度亦不為過。
不過，港航管理層思維一向難以理解，明明公司定位中低價機票，偏偏搞個全商務位倫敦線，最終半年都冇就因蝕錢停飛。
目前，港航最出名嘅係delay，菲菲有做港航空姐嘅朋友，亦嚴重勸籲我唔好貪平。
除非真係有個「Cool魔」陪菲菲等上機，否則真心寧願幫襯其他公司，當貴少少買時間。所以港航想套劇為佢帶來更大效益，真係要自己爭氣。
Fifi
本欄逢周二、四刊出
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange