一粒粒的LEGO磚頭，一步步砌出自信。44歲的樂高達人李漢文（Arzlan），08年買下第一盒LEGO玩具，從此「一試便愛上」，5年來花上10多萬元買LEGO，砌出多件得獎及參展作品，可以用四四方方的積木，砌出圓圓的福建土樓。羅馬不是一天「砌」成的，但他自信得可以把心愛的作品拆掉，「我信一定砌得返」。
Arzlan是名副其實的Kidult，直言「冇玩具嘅世界就好灰」。但他並非宅男，活躍於本地各大小的LEGO展覽及狂迷聚會。現職保安員的他，曾任職玩具公司，本來愛儲Figure及玩具車。5年前，他買下第一盒城堡系列LEGO，發現「一嚿磚可以咁多嘢玩」，此後極度迷戀，每月專門花費約2,000元購買，每天花一至兩小時狂砌。5年來共花10多萬元，家中積存大量玩具磚頭，「多到要放入衣櫃」。
他今年參加本港首個大型LEGO展，特地製作福建土樓及金門橋模型，分別由5,000塊及一萬塊組件砌成。「砌土樓係向難度挑戰，圓形建築、屋頂傾斜，又要講平衡，但LEGO磚係方形，最難係土樓係素色，好難突出顏色」。
Arzlan迎難而上，僅用7天便解決種種難題，首先砌圓形屋頂，再運用褶曲技巧及視覺效果完成作品，「用方嘅嘢，砌到圓嘅嘢，創作可以好無限」。
拆作品 深信砌得番
Arzlan敢於把心愛的作品拆掉，「因為要拆咗佢，先有機會再做更好嘅作品，而且我信一定砌得番」。他暫時最喜歡的作品，是電影《奪寶奇兵》的神殿場景。他曾在2011年及2012年獲動漫展的LEGO創作比賽季軍，並以亞洲唯一的LEGO Builder直江和由為偶像，希望有一天成為全港首位LEGO Builder。
記者 吳嘉羚
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange