【本報訊】上個財政年度勁賺三億元的維他奶國際有限公司，落實香港全體員工本月起加薪5%，公司並同步大幅調高司機及跟車入職起薪點約15%。但有關薪金調整安排卻引發新仔與老鬼工資相若的不公平現象，約20多名員工日前與人力資源部開會反映不滿，但公司堅拒加碼，員工正研究下一步行動，醞釀集體劈炮。
維他奶接受查詢時證實，維他奶香港全體員工本月起平均加薪5%，公司並已調整佣金及津貼。但有維他奶車隊員工不滿公司加薪安排未能反映員工年資。有從事跟車送貨三年的員工說，公司最近大幅調高新入職跟車及司機底薪，以跟車為例，去年入職起薪點僅約5,600多元，但本月起增至6,500元，增幅約15%。
「經驗原來咁唔值錢」
員工指，他們並非「眼紅」新人底薪調高，而是不滿公司沒顧及舊員工感受，以他為例，未加薪前底薪約6,300元，加薪後為6,690元，較新入職員工多出不足200元，「做多幾年，都係多百幾蚊，經驗原來咁唔值錢，如果下年公司又再調高新人起薪點，人工隨時高過我哋，唔通做成世都係新人價咩？」據了解，維他奶今次加薪策略是，若跟車員工底薪未過6,500元，會先行調高至6,500元水平，之後再以每年年資加薪1%調整薪金，即一名有一年經驗的跟車，較新仔只多65元；若底薪已超過6,500元，則跟大隊加5%。有員工說，「有同事做咗十年八年，人工多過新人1,000元都冇，覺得好冇癮。」
員工指，維他奶車隊的工資在行內一直偏低，難吸引人入行，因此公司調高新入職員工起薪屬無可厚非，但公司亦應同步調高舊員工底薪。據了解，公司在03年沙士後曾大幅調低起薪點，故今次最不滿是一批十年以下年資的員工。維他奶回覆本報時指，在制訂薪酬時已考慮到年資等因素。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange