【銅鑼灣時代廣場】做咗媽咪嘅周家蔚，大前日下晝5點喺時代廣場攞住個篋急急腳咁趕去連卡佛，原來約咗女性朋友，家蔚同女友擁抱後，準備行去另一邊等車，不過家蔚見女友孭住個B又拎住嘢，好有心咁幫女友攞雜物，不過拖住篋又攞住嘢嘅家蔚行去化妝部嗰邊時，又要繞過人群，搞到有啲論盡，喺等車嗰十幾分鐘其間，家蔚母性大發忍唔住逗個BB開心，之後架車嚟咗，佢哋就一齊上車離開。
採訪、攝影：楊浩賢
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！