【本報訊】一輛停泊在灣仔電腦城對開平治房車，昨午司機上車「撻匙」擬將車駕走時，車頭突然冒煙着火，火光熊熊嚇煞途人，司機落車報警，消防員到場開喉將火救熄，車頭嚴重損毀。火警中無人受傷，消防調查後相信是機件過熱導致，並無可疑。
途人恐爆炸繞路避開
「自焚」平治房車型號S320L，01年出廠，車主為太古旅遊有限公司，屬公司車，當年車價逾80萬元。現場為灣仔軒尼詩道130號灣仔電腦城對開路邊，消息稱，31歲姓黃司機昨午駕車接載一名同事往上址後，他將車泊於路旁落車離去。
至下午4時許，黃返回擬將車駛走，他上車「撻匙」時發現車頭冚有煙火冒出，大驚下立即落車報警求助，其後火勢越燒越猛，熊熊烈火燒穿車頭冚從洞口噴出，火勢並向車頭大銀幕蔓延，途人恐防發生爆炸均繞路避開，有途人則用手機拍下火燒車圖片，火燒車並吸引大批途人在附近圍觀，警方一度封鎖一段路面，禁止行人接近平治範圍。
消防員接報到場拉喉向車頭射水，迅速將火撲熄，但房車車頭已遭嚴重燒毀，車頭冚被火燒穿出現大洞，車頭擋風玻璃亦被燒熔爆開。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange