百年滄海桑田，1913年建立的油麻地果欄，木頭車、紋身漢、賭檔……承載了太多香港人的回憶。
果欄以前不只批發水果，也有雞和蔬菜，初期都是一大片草棚式經營，直至1952年，政府批地建立16檔固定樓房的果欄，最後才發展成超過300多間，且都以水果批發為主，並成為全球單一地區水果銷售量最多地方。
「游炎記」在果欄開業百年，也是最初16檔創始之一，這個檔口養活了三代人，阿爺更隔代指定接班人。奈何第三代接班人卻對前景有點心淡，百年老店是否能延續，充滿疑問。 記者：謝志輝 攝影：鄧振權、胡志堅
70年代是果欄的黃金年代，客人來買一百幾十箱水果是等閒事，現在買十箱都嫌多，反而到周六、日，有錢人會駕車來買，年青人也會像行花市一樣買一箱回家。游發誠是第二代掌櫃，說起果欄興衰，既是懷緬又是嘆氣，「以前啲買手好豪氣，想要邊堆貨，用手指指就搞掂，當時流量非常之大，整個地方人多貨多木頭車多，由新填地街推貨入果欄需要15分鐘，但時至今日已經好冷清」。
街坊情仍在 紋身為壯膽
游炎記伴隨果欄歷史開業至今，游發誠說以前主要由內地入口水果，現在則以東南亞入口為主，生意只能勉強養活一家，他用「飽你唔死，餓你唔親」來形容現況，「只要勤力有宗旨冇拖數，呢行係可以搵到錢」！
黃金年代過去，但是果欄內老一輩街坊情仍存，游發誠說雖然同行如敵國，但如果自己沒有貨源時，其他檔口都會樂於通知哪裏可以買到，「就算有乜嘢拗撬，之後都會一笑置之繼續去飲茶，咁多年競爭都係非常之良性，以前嗰輩仲有賒數文化，但喺人死白事當日之前，都會結算清楚絕不拖欠，算係交畀佢家人一點心意，咁多年都係，畀着外面做生意一定走數啦」。
但對外人來說，果欄唯一印象就是黃賭毒雲集，黑壓壓九曲十三彎的欄檔內，不是道友就是紋身大漢。但游發誠說龍蛇混雜之地已成歷史，不消說入夜冷清，現在果欄內到處都是閉路電視，直接連線到警署，非常太平。「我幾代人喺度，對於有紋身嘅人我從來唔怕，正所謂我唔識你，你唔識我，識得我嘅，自然對我哥前叔後，大家互不相干。佢哋紋身只係壯膽啫，所以唔當紋身係乜嘢一回事！」游發誠說得很輕鬆，紋身大漢都成了怕黑的小家貓。
但記者在果欄內漫步，還是見各檔崇尚武風，一些檔內還擺放了木樁，呯呯嘭嘭地練着招式，問游發誠關於果欄內的江湖事，他顯得無興趣去談。
他最關心還是自己檔口接班事宜，他本身育有一子一女，細仔雖然有來幫手，但總是心思思往外闖，「希望佢勤勤力力咁做，其實阿爺臨終前交帶由佢繼續做落去，𠵱家我係做一個榜樣畀佢睇，將來都係睇佢點樣繼續經營落去！」，因為阿爺交代落，這口氣變成一直撐下去的動力，「冇理由人哋開檔你執笠，要比新入行嘅做得更好，做得更具規模！話畀阿仔聽要做就要畀心機去做，唔好搞臭阿爺個名！」
兒子搞酒吧 暫無意接班
爸爸念念不忘承上啟下，被阿爺點為隔代接班人的游嘉鉻卻顯得有點心淡，「爸爸喺果欄工作都係阿爺迫番嚟啦，果欄冇錯係養活咗我哋幾代人，因為以往資訊並唔發達，但𠵱家好多水果可以由網上訂購來返嚟，你做得人哋亦都可以做得到，以前可以賺幾十蚊一磅，到𠵱家只係賺10蚊一磅，衰啲講句街市嗰個都搵到」。
游嘉鉻講起他的興趣，原來是跟朋友合資經營酒吧生意，「點解我經常放眼在外，我覺得出面可以見識多少少囉，但我每日都會嚟果欄工作兩、三個鐘，幫佢哋開舖收舖，了解吓個市場嘅行情，但暫時唔會全力喺果欄工作」，游嘉鉻說不排除40歲以後會回來，到時再算。「爸爸成日話，人大咗結咗婚需要固定，就算我點樣出去工作，始終呢度都係我祖業，至於要發揚光大呀咁大件事，我就冇乜信心囉」。
20多歲的姐姐游敏琪就不像弟弟那樣總想向外跑，對果欄也是充滿回憶，「以前好多趣事，細個無憂無慮，日頭同細佬同其他舖小朋友，喺果欄內用粉筆喺地下畫格線跳飛機，但一到傍晚就要用水刷走，以免大人唔鐘意話阻住做生意，有時又會喺幾家店舖內追逐玩捉迷藏，推住木頭車四處穿梭，諗起都會笑」。
現職OL的游敏琪，仍非常關心家族生意，回家後也有幫手，「舖頭內往來嘅文件都係我負責，爸爸都60幾歲啦，但仲好有毅力同衝勁，不斷去搵新款水果入口，我一定支持佢，有游炎記喺度嘅一日，我同細佬都會喺度幫手」。一子一女，還是女兒比較「生性」。
深夜時分，木頭車仍然打橫霸佔馬路，過路私家車司機耐心等待，靜看眼前赤裸工人忙碌搬貨這一幕，懷緬着，不知何時會消失。
你想爆?幫你爆!
熱線電話：2990 7225
mailto:[email protected]
WhatsApp：9131 4511
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange