華潤電力（836）小股東不滿公司高價收購煤礦，狀告董事失職，獨董、前律政司司長梁愛詩包括在內，此事亦令市場再度關注獨董能否發揮作用。
翻查藍籌資料，不少獨董任職超過十年，咁長時間，究竟仲算唔算獨立呢？
獨立性成疑
部份藍籌獨董由八十年代開始任職，最長時間應該係港交所（388）前主席夏佳理，佢1980年開始擔任恒隆地產（101）獨董，至今有33年之久。
偉易達（303）主席黃子欣位79歲叔父黃頌顯，分別喺1984同85年，開始擔任和黃（013）同電能實業（006）獨董。東亞銀行（023）主席李國寶亦做咗煤氣（003）獨董29年。
老牌上市公司有獨董做幾十年唔出奇，就連港交所都有幾位獨董做咗超過十年，包括郭志標、李君豪、黃世雄同施德論。小股東不禁要問，呢班獨董仲算唔算獨立呢？能否發揮應有作用呢？
近年港交所強調獨董嘅重要性，規定上市公司董事會要有三分一係獨董，不過就冇限任期同擔任公司數目囉。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange