味千（538）上周四宣佈，請咗位劉士盛做營運總裁，佢個名、年紀同學歷，同因為收受利益入獄嘅香港麥當勞前一哥一模一樣，當時味千就冇講清楚，直至翌日晚上十點半之後先再出個「進一步公告」，講明呢位真係香港麥記前一哥，又澄清劉士盛只係僱員，唔會獲委任為董事。
查實上市公司聘請曾經犯罪人士做高層，畀機會佢重新來過，一啲問題都冇，點解唔大大方方宣佈呢？𠵱家要出多次通告講清楚佢就係呢位劉士盛，2011年獲釋等資料，反而畀人覺得係此地無銀，為乜呢？
好似689咁誠實咪好囉，呢個689唔係講緊CY喎，而係長盈（689），公司今年四月宣佈委任謝國輝做CEO，通告就清楚講明佢曾經因內幕交易被定罪，禁做董事同罰款，因而一度破產，但已經回復自由身，合格做CEO。味千同其他上市公司真係要學嘢喇。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange