【幸運個案】
視力只餘一至兩成視力的黃俊恒，04年大學畢業後搵工也接連碰壁，不過在八個月後，他終於碰上當時任立法會會計界議員的公民黨譚香文，給他第一份工──議員助理，「佢話唔緊要，總之交到貨就冇問題」。譚連任失敗，他轉為幫陳淑莊，去年開始轉為陳家洛助理，「三個都係好老闆」。
譚香文：請得你我就信你
黃俊恒（Billy）自幼視力已比常人差，後證實患上「視網膜色素病變」，簡稱RP，目前無法治療，他到升大學時明顯變差。正由於此，他早在視障領域打滾，早就認識「唇讀狀元」曾芷君，「佢咁樣讀點字早已唔係秘密，幾年前已知道。當時第一個反應係：嘩，勁喎，咁都得！」
芷君將升大學，Billy憂慮她的前景，「第一日放榜，鋪天蓋地報道佢，佢真係好叻。但四年後大學畢業會點？呢個係擔心，係咪咁易搵到工？」
原來Billy在04年中大工商管理學系畢業，應徵過教育中心、商業公司、傳媒和非政府機構，「寫咗幾十封求職信，面試都有十次八次。我履歷表冇寫有視力問題，一去到面試就有困難，僱主會問有乜方法處理」。由畢業至翌年1月，Billy屢戰屢敗。
當時譚香文聘請議員助理，Billy由她進行第二輪面試，終於成功，「佢話唔緊要，總之交到貨就冇問題，又話『能夠做好職責，請得你，我就信你』」。
由譚香文過渡至陳淑莊，到現在的陳家洛，Billy緊守他作為議員助理的職責，「我係遇到好老闆、同事。」需要用眼看、走來走去的工作，由同事代勞；可以用電腦和電話處理的工作，則由他負責。
Billy認為自己尚算幸運，「搵咗大半年唔算長，有啲（失明人士）以年計，或者搵咗同讀書冇關係工作、唔使讀咁多書都可以做嘅工」。
他希望幸運不只他一個，「希望規模越大機構，可以畀多啲機會視障朋友，（他們）適應唔係太困難」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange