阿爺出其不意撤銷貸款利率下限，雖有指這與放水並非畫上等號，但市場日趨開放，企業借貸議價能力有望增加，利息成本順勢下調，無怪乎近期部份重債中資股有喘穩迹象，戰友落場炒作時可多加留意。
科網股龍頭騰訊（700）越升越有，與阿里巴巴積極籌備上市不無關係。早前推介相關概念股中國動向（3818），蓄勢突破今年高位，今日介紹另一隻受惠股復星國際（656），走勢同樣靚仔。
復星早前宣佈入股阿里巴巴旗下最大國產物流網菜鳥一成，創辦人馬雲透露，單計菜鳥規模已達3,000億銀，潛力深不可測。縱然菜鳥未納入今次阿里上市資產，但齋炒升值及注資，復星都夠晒睇頭。復星素有上海和黃（013）美譽，業務包括保險、醫藥健康、房地產、鋼鐵、礦業、零售、服務業、金融及投資等，可惜A股唔爭氣，導致上市六年潛水三成多，今次大有機會藉科網熱潮一鋪翻身。
睇圖表，復星7月中已突破三角形走勢，上周五回調正好消化全周超買壓力，現價6.16元進場，隨着阿里巴巴上市日期漸近，衝穿今年高位6.93元，相信只係時間問題。
唐牛
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange