政府環保團隊真係夠晒Green，屬政壇童子軍，出身Green Group的政助美少女區詠芷在自己fb反駁有線關於洋垃圾滯港報道，此等幼稚作為，除咗反映𠵱家政府新聞發佈亂嚟之外，也反映由上而下的混亂管治。
政客fb反擊 死路一條
現政府喜歡做鍵盤戰士，來自689與茂利波，政府過往新聞發佈有嚴格規定，內容經相關政策局反覆推敲，至少由常秘過目，如此謹小慎微，外人視為低效率官僚主義，喪失反駁時機，甚至喪失輿論主動權。外人唔明政府身處浮沙般建制，單打獨鬥，只可用郭家明穩守突擊，減少出錯為先。政府首重言行一致，言出必行，而非務虛浮誇，只求自我感覺良好。新聞處派駐各政策局的IO，就係代表整個官僚集團把好關，杜絕政客亂噏廿四，損害整個政府誠信形象。
當政客化身鍵盤戰士，用個人網誌或fb取代局方新聞發佈，主要原因係要有更大自由度同反對者角力，但因全無部署計劃，傳媒一旦反擊，便會陣腳大亂，原因係言論究竟代表整個政府定係個人。香港特別之處是冇政黨機器執政，所以官員言論只有一個屬性，就係代表政府立場，冇其他選擇，在政黨執政體制中，政黨可以配合政府進行政治角力、向反對派開火，反擊親反對派媒體，在公共領域爭奪話語權。反之香港官員縛手縛腳，涉足社交媒體，趕潮流，通常只會落得出師未捷身先死下場。環保局美少女立即要鏟除fb上留言，並無引起立法會黨派追打，已是萬幸。
更根本問題係執政團隊乃拉雜成軍，欠缺核心執政理念，利用社交媒體打輿論戰，根本就自暴其短，言論上定必處下風，更主動招惹難搞之網民，條數點計都蝕底。社交媒體要用，就只能做軟性個人宣傳，今日見過乜水，睇過《Monster University》之後，有乜個人感受，就近睇完Simon Kuper的新書，有乜感想，呢類內容先至適合社交媒體渠道。嚴肅之政策討論，一定要交畀政策局政務官處理，唔可能畀政治童子軍去單獨處理。
殖民地管治之所以低調、保守、將政治元素隱藏，當中智慧，好多空降政府政客視為積弊革除，最後係自討苦吃。
添馬男
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange