【本報訊】中聯辦主任張曉明日前發表「筲箕論」，暗示特首選舉有篩選；身兼行政會議成員的工聯會榮譽會長鄭耀棠為死撐篩選機制，竟將職業分貴賤，昨天以西方普選下曾有艷星參選為例，證明要有初選機制，各界狂轟鄭耀棠職業歧視，促鄭收回言論；現為甘肅省政協的艷星彭丹強調「選舉面前，人人平等」。
記者：陳雪玲
張曉明日前在立法會以筲箕作比喻，暗示普選特首要有篩選。鄭耀棠昨出席活動後對此表示認同：「佢（張）嘅筲箕論即係淘汰啫，篩吓篩吓，篩咗啲正嘢出嚟好緊要。」他進一步闡述篩選才選到精英，如果沒有篩選，或會像西方社會的普選，「艷星都出咗嚟」，反問「咁係咪我哋想見到嘅呢」。
身體係乾淨 淫褻嘅係思想
鄭耀棠歧視論辣㷫各界。曾替成人雜誌《花花公子》拍性感照，現為灣仔區議員的白韻琹對鄭的言論極為不滿，認為是歧視職業和性別，「人嘅身體係乾淨，淫褻嘅係思想」。她稱有意選特首，並對當年拍下的性感照引以為榮，認為任何人都有參選權，「（若）有足夠人選佢，無論係艷星又好，肉彈又好，李小龍翻生嗰啲打仔都好，都係有權做（特首）囉」。
現為甘肅省政協的彭丹，昨天展示其廣闊胸襟稱，不清楚鄭在怎麼背景下發表有關言論，故不作評論，但強調，「法律面前人人平等，選舉都係，呢樣喺東、西方都一樣！」她又相信香港是一個法治社會，「唔會因你做乜（職業）而剝奪你選舉權益，咁係唔fair（公平）嘅。」
杜汶澤諷罵 一粒「丟那星」
演藝界杜汶澤昨午已在facebook留言罵，「艷星有乜問題？都好過你（鄭），只係一粒『丟那星』」，意猶未盡的他其後稱支持周秀娜做特首。體育專欄作家李德能也批評鄭有關言論對艷星不公平，認為不應將人分階級。
政界女性亦對有關歧視論滿腔怒火。港姐出身的人民力量主席袁彌明斥鄭職業歧視，促對方收回言論，「我唔明佢對艷星有乜特別感受，要去歧視人；佢（鄭）就算不致於侮辱，都係一種歧視」。民主黨主席劉慧卿也批評鄭的說法可笑。
佔領中環發起人戴耀廷指鄭侮辱港人；另一發起人陳健民深信選民能判辨合適的特首人選，反問若艷星有能力領導香港，當特首有何問題？
就連建制派也對鄭耀棠有關比喻不表認同。工業界立法會議員林大輝認為中央只擔心選出抗中特首，相信中央對任何行業人士、只要符合《基本法》選特首條件，也不會歧視，強調「行行出狀元」。立法會主席、民建聯曾鈺成卻拒評有關比喻。
蘋民洗版
張潤衡
能者則居之，民主社會中，就算係掃地阿姐都是一名能者，也有資格參選！P.S. 連庸才像鄭生你都可以參選啦，艷星有乜問題，只怕是你怕被比下去吧！
Henry Chui Cho Tak
艷星有甚麼問題？最重要係機會平等，選出之後貨不對辦可以用民意轟他下台，而選民有了經驗之後，下次就懂得投票。鄭耀棠這番話，帶有嚴重歧視成份。
Howard Tsang
有全民民意授權的艷星比小圈子貪腐走狗高尚百倍。
Anna Tsa
艷星又如何？是公平，公正，公開，公義，一人一票的真普選勝出的！即使不是眾望所歸，但689是嗎？
節錄自蘋果日報facebook留言
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange