上周中學文憑試放榜，8萬莘莘學子人生中首份最重要的成績表揭盅。無論結果如何，放在大家前面的「考試」其實還多着呢！各位學生哥仍需努力。對曼聯新帥莫耶斯來說，上任以來其中一份試卷終於完成，就是日前以5:1擊敗澳職明星的首場友賽勝利。不過這極其量只是小測，在他面前還有一大堆「文憑試」：首場「大考」，就是朗尼的去留問題。以目前情況，莫耶斯這答卷成績並不樂觀。
朗尼有離心，已不是這個月的事，甚至前季已出現。現新帥上任、公開反面、亞洲行突然回國……種種迹象看，朗尼離隊根本勢在必行，但莫耶斯仲死口堅稱唔賣；卻又沒有傾新約，態度模棱兩可，欠說服力。相信很大機會拖拉至8月尾轉會窗臨關閉時，先突然宣佈走人，擾亂埋整個季前增兵部署。與其這樣，何不像費Sir當年送走碧咸或C朗時咁灑脫呢？「朗尼事件」，肯定繼續對莫耶斯的處事和整治軍心能力添考驗。
除了「賣」，莫耶斯面前另一份試卷就是「買」；但莫帥這份試卷仍只是一張白卷。通常新帥上任，帶三兩「親信」過檔屬例行公事，連馬天尼斯都帶咗干尼同艾卡拉斯由韋根跳去愛華頓；眾人都預計會過檔曼聯的費蘭尼同巴尼斯都毫無聲氣，更難說服大家莫耶斯有能力撬得郁巴塞的法比加斯。
其實這宗「轉會」亦是充滿「疑點」；若巴塞在放走堤亞高艾簡達拿後同時放走法比仔，必屬管理層一次「考試肥佬」的決定；而法比仔為錦標重返巴塞，若兩年後又去到費Sir離了隊的曼聯，亦很令人費解。
方柏翹
now足球評述員
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange