上周指數窄幅橫行，大戶正進行資金大挪移，沽上半年的強勢股食糊，科網、智能手機及頁岩氣三大板塊有如股災；但另一邊廂，上半年弱到爆的基建、機械、煤炭及內房股就轉強。
一般而言，股票比經濟行先半年至九個月，中央調整增長結構，放棄谷投資的不利因素，很可能已於上半年反映於基建、機械股的股價之上。如今阿爺確立有關政策方針，相關板塊應可見底回升，戰友揀股時目標要有所調節。
推介方面，今日可留意第一拖拉機（038）。先睇走勢，一拖由年初8蚊水平開始下挫，累積急瀉五成。6月底及7月初營造雙底後，10日線將升穿20日線形成黃金交叉，上周五以大成交急升6.7%，MACD牛差擴大，見底味濃，如突破4.50元可順勢追入，反彈目標暫睇5月初浪底5.50元水平。
花旗上周出報告，首予一拖買入評級，目標價5.40元。報告指出，隨着城鎮化持續推進，農村人口將逐步下降，耕田人數減少，未來數年對農業機械的需求將顯著提升，複合年增長可達14%。此外，中央加大對農業機械的補貼，亦有利一拖提升銷售。
該行分析，公司大馬力拖拉機的市佔率及毛利率均向上，有助明年純利回升。
一拖現價預測PE約12倍，明年將降至9倍，PB僅0.7倍；手握28億人仔cash，較市值更高，防守力一流。
魏力
http://www.facebook.com/2012jason
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange