【幸運個案】
視力只餘一成半的上市公司公關要員王寶玲，今年初剛拿了15年老人牌。她在入職後兩年，才患上視網膜色素病變，起初怕被公司嫌棄極力掩飾，直至差不多一年後才向上司道出，怎知換出不只雪中送炭，而是公司上下給予溫暖，她有了專責助手，可繼續發揮所長回饋公司，這一幫，給她生存下去的勇氣。
同事幫剝龍蝦殼
王寶玲（Brenda）現為新鴻基地產代理公司傳訊經理。97年加入新地做傳訊主任，兩年後發現行路總是與人左碰右撞，行樓又叉錯腳。經醫生診治後，斷定她患上視網膜色素病變，「好驚、好徬徨，醫生話會失明，覺得好醜，唔敢話畀人聽」。
她當時極力掩飾裝作無事，「望人時驚畀人知，惟有耷低頭。」惟其視力在其後數個月下降很快，被問及當時有否想過離職，她哽咽良久。大約在確診不到一年後，她向當時上司劉美梅坦白道出，「佢聽咗冇震驚，又冇嫌棄我，叫我唔好擔心，鼓勵我一個人仲有好多方面，可以增加多啲分析判斷工作，以我工作經驗去帶動其他新入職同事」。病發初期還可寫字，後來要將字體放大、放近才看到，但不足兩年已再無法看到，現時望人和景物，只看到輪廓。公司給她安排助手，除協助她出入，也給她讀電郵和報章報道。用膳時，餐飲組同事會給她剝龍蝦殼，盡見人間溫暖。
01年，她獲擢升為助理經理，現在是經理，今年初從新地主席兼董事總經理郭炳聯手上接過15年服務獎，「好希望社會畀多啲機會視障人士，我哋雖然眼睛唔好，但其他方面不錯」。
曾芷君以唇讀點字方式學習，令她很感動，「覺得佢毅力10倍於我！一個不幸嘅人，反而有好多幸運嘅事發生咗佢身上發生，我自己都係。」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange