【圓方→中環】美國導演米高曼（Michael Mann）嘅新片《Cyber》喺香港嘅外景拍得如火如荼，男主角「雷神」基斯咸士禾夫（Chris Hemsworth）大前晚趁住唔使開工，就同一班男女外籍朋友去咗九龍Ritz-Carlton酒店消遣，佢哋當晚9點幾先喺酒店食飯，跟住就直落去咗Ozone酒吧夜蒲，佢哋一行多人大約11點幾到，入咗去之後即有保安帶到去VIP房，飲嘢其間，眾人未有口沫橫飛雀躍吹水，反而靜靜咁欣賞維港璀璨夜景，佢哋係咁影相，後來又作狀郁手郁腳。
俾人集郵
到噚日凌晨1點半，雷神就拉大隊走人，佢哋離開時，Ozone已有客人認得出雷神，仲力邀佢一齊影合照，直到佢去到酒店樓下，都係有好多粉絲陸續要集佢郵。當中有一名露背女要求合照，高大嘅雷神企喺佢後面，雙手插袋避免身體接觸，雷神同佢影完即彈開，眼尾都冇贒過個性感女，鬼咁正氣，反而佢嘅外籍同伴就有望吓身邊啲索女，雷神做足成五分鐘紙板人，當的士嚟咗，佢就同朋友分咗兩架車坐，之後返去中環四季酒店休息。
雷神去嘅Ozone，早前荷李活萬人迷里安納度狄卡比奧（Leonardo DiCaprio）嚟香港，都有去過嗰度夜蒲。
採訪、攝影：吳耀輝、黃曉程、李志明
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！