現年28歲的游偉樂（Billy Sir），自兩歲起看不見世間色彩，2010年畢業於港大教育學院碩士課程，夢想成為教師，卻屢受挫敗；五年內發出過百封求職信，面試時屢被質疑「失明點教書？」至今仍未獲全職教席。他反問社會「捧得我好高，係咪只當我係生命教育嘅人物？」
五年寄逾百封求職信
Billy Sir在08年取得港大教育學院一級榮譽學士，其後再兼讀英文教育碩士。他認為校園能為殘障學生提供友善環境，但學校對待殘障教師，卻用另一個準則。身為港大畢業生，五年來發出過百封求職信，僅兩成學校給予面試機會，「試過俾人問，你知唔知自己來做乜？」又被校長指「見唔到有乜證據你可以喺主流學校教書」。
最令他氣餒的是有一次面試，老師叫身旁的同事「試吓蒙住眼入課室，睇吓做唔做到老師，有學生玩火你知唔知？」Billy Sir大感侮辱，「我兩歲開始失明，點可以同你一時蒙眼相比？有學生玩火點會冇同學出聲？」他認為最重要是和學生溝通，「我睇唔到學生個樣，但我睇到學生個心」。
「呢個城市最大嘅障礙唔係傷殘設施不足，而係人嘅想法」，校長會嫌棄他「做唔到監考，改唔到試卷」，但Billy Sir認為可透過分工來解決，「我監考唔到，就出多份卷；改唔到試卷，就幫多班學生補課；早會看唔到學生，我可以喺教員室聽電話、編校刊」。
曾芷君的故事廣受傳媒報道，但屢次受訪的Billy Sir有感而發：「社會可以話你係英雄，但係掌聲一日就完」。
他反問：「你讚我叻，係咪因為你先睇低我，而當我做到，你就覺得我勁？」他自言「冇芷君咁叻」，但認為殘障狀元不需要被英雄化，否則「踏進現實社會跌落來有好大落差」。
Billy Sir在大學期間曾到三間中學做實習老師，均獲學生讚賞，惟畢業後五年，只獲數間學校聘為兼職教師，「殘障狀元嘅故事係好勵志，但我唔需要人可憐或者話我叻，只想做個普通人」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange