唐英年與太太郭妤淺暫時放下九龍塘大宅僭建一案的煩惱，日前與兩名千金在ifc行街high tea。當日二人帶同大女嘉敏及細女嘉慧到達ifc後即兵分兩路，平時西裝骨骨的唐唐當日身穿條子短袖恤衫和西褲，與大女嘉敏到香薰店揀香薰蠟燭。
嘉敏一身「藍妹」打扮，戴上藍色頭箍及同色Prada小手袋，兩父女駐足揀香薰，嘉敏不時拿香薰蠟燭試聞，唐唐也有給意見，逗留10分鐘找到心頭好，跟得爸爸唐唐負責找數。嘉敏長相似足母親郭妤淺，當中一雙微絲細眼及笑嘴更如餅印，兩父女shopping完後，便到三樓餐廳high tea。
嘆茶玩反拍
嘉敏雖然20多歲，仍然表現嬌嗲，離開店舖即主動拖着唐唐，二十四孝的父親唐唐也如sugar daddy上身，樂與嘉敏手拖手二人行。二人坐低嘆茶不久，唐唐警覺發現有記者追訪，即告知嘉敏，嘉敏笑笑口拿手機反偷拍。父女嘆茶半粒鐘，回到商場會合剛購物完的郭妤淺及細女嘉慧，一行四人即坐車離開。
其實唐英年夫婦近月忙為其九龍塘約道大宅僭建一案應訊，原被控兩項違反《建築物條例》的郭妤淺早前已承認第一項控罪，案件將於月底繼續審理。
採訪、攝影：彭琮然
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！