收視低到不能再低嘅亞視，經常錯漏百出，好似前年新聞報道誤報江澤民死訊，之後直播賽馬會六合彩攪珠節目又再出錯，螢光幕出現嘅結果同主持人周嘉莉報讀嘅結果有出入，好彩周嘉莉識執生，不過最後亞視都要認衰，承認操作故障，當時已經笑大人個口！之但係亞視仲未吸取教訓，繼續犯咗無謂過失，唔知佢哋唔夠人手，定掛住要人上堂，冇時間做好資料搜集。
事緣上星期一（15日）亞視節目《ATV焦點》又再出現蝦碌事件。當日節目講到立法會主席曾鈺成邀請中聯辦主任張曉明到立法會同所有立法會議員飯敍，當日主持人金鈴喺節目中講述飯局意義，旁述引用古代哲學家老子名言「千里之行，始於足下」，點知亞視竟然喺螢光幕播咗孔子畫像，真係是是但但！
盛品儒話會檢討
其實呢個節目收視唔高，平均收視只得2點（約13萬觀眾），不過就經常收到投訴，好似舊年節目公器私用，抹黑想申請免費電視牌照嘅王維基，同埋抹黑學民思潮係政客棋子，單係抹黑學民思潮就收到4萬幾個投訴！對於孔子當老子，亞視執行董事盛品儒噚日喺電話回應：「我哋會內部檢討，有乜嘢結果再回覆。」
版主：陳基征
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！