7月16日 星期二
昨晚在成都買了一條120元的裙子，打算在西藏穿着拍照，還買了一對40元拖鞋替換，結果裙子及一對波鞋都遺留在車上了，好唔開心，但還是謝謝給了我充實快樂一星期的重慶、成都美男女。
7月17日 星期三
由瀘定去雅江會經過攝影師嘅天堂新都橋，果然係一個天堂，藍天、白雲、黃花、綠草、棧道、流水、藏屋、牛羊，經幡。一架農夫車車我去雅江，對康定父子仲唱情歌俾我聽。過左天堂就係地獄，落山嘅路爛到不得了，好「凳」，最後總算到咗雅江。到埗後搵住宿，與街邊單車隊一個妹妹一齊拼房（合租），但見到間房就心諗大鑊，好似牢房咁又暗又潮濕又冇獨立廁所，我真係適應唔到污糟生活，自己搵咗另一間。單車隊四男一女來自五湖四海，妹妹只得16歲，她為減肥出發，只知道拉薩去成都有條路就出發了，仲勁過我！佢想聽日搭車去，但隊中有個人叫佢要堅持想做的事。聽到佢哋分享結伴同行嘅趣事，我都想搵個志同道合嘅伴。
7月18日 星期四
今日係我由成都出發嘅第三日，我來到理塘，頭先一路落雨，大嘆：唉，又落雨，但係原來行多一陣，竟然俾我見到彩虹，真係好靚，香港嘅彩虹通常只得一條咁樣，但呢條好闊。沿路都係大草原，好靚，見到滿地嘅花，好開心。
去年今日，我畢業後想去西藏旅行，當時朋友驚有高原反應勸我唔好嚟。今日我親身嚟到，去到（海拔）四千幾米，比拉薩仲要高千幾米嘅地方，我一啲事都冇。我覺得空氣好清新，好爽、好開心，所以我覺得有好多嘢真係要你親身嚟體驗過先知道，唔使擔心高原反應㗎，朋友們，你嚟啦，就算有都會好快冇事㗎。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange