【本報訊】第26屆香港特別行政區十大傑出學生昨日出爐，十位得獎者不但在學校表現出類拔萃，課餘更熱心公益。當中就讀荃灣官立中學的馬培嘉出身基層，她坦言家境清貧，未能負擔昂貴的交流團及課餘活動，但從不介意自己的出身，「最緊要有上進心，後天勤力啲，貧窮唔係打擊反而係鼓勵」。
公屋出身 樂觀面對
馬培嘉與家人居於石圍角公屋，家庭清貧，即使學樂器都要申請資助，但從不怨天尤人，只努力讀書，希望將來可成為醫生。培嘉性格樂觀之餘，更十分謙虛，她指十大傑生中，「我唔係最叻嗰個，其他同學有好多才華，我個人比較自卑，應該評審欣賞我勤力」。她又鼓勵其他學生，就算出身公屋，只要樂觀面對，將來都可以貢獻社會。
另一獲獎的學生梁穎賢就讀新界鄉議局元朗區中學，曾參加學友社活動，為深水埗的貧窮人士「籌米」，短短兩星期就籌得約64公斤的白米，更舉辦了一場晚宴，安排約100人一起晚餐，「見到佢哋食得好開心，我都好開心，深深感受好多人其實係水深火熱，好需要人幫手」。
她稱，近年每日翻開報章，見到越來越多貧窮人士需要幫助，決心課餘多做義工，「我雖然生於小康之家，屋企人成日教我要知足，我希望用自己能力幫到人」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange