為了達致大量建屋目標，政府推出四個新發展區計劃，包括新界東北、元朗南、洪水橋和東涌，這些「生地」何時變成「熟地」，即係起得樓住得人，最快都要2022年之後，大家還要多等9年，試問何能救近火。
這四區全是集中新界區，當然現時不可以填海，在市區搵地起樓當然是相當困難，唯一辦法便是向新界區埋手徵地起樓，難免與發展商有衝突，收地之餘又要鼓勵加快興建私樓，兩者究竟如何取捨都不重要，反正買了樓起碼三年打重稅，都係用嚟自住，今年買抑或三年後買結果冇分別。
註冊宗數徘徊低水平
以最近開售的新盤價而言，仍然高出同區兩至三成價位，結果令買家入市更審慎，不會胡亂做入市的決定。地產經紀人人自危，嘉湖山莊一名分行經理索性放棄主管職位，自己落場「降職」做前線跑數。他直言，樓市淡靜，做主管根本冇啖好食，以前嘉湖衰極一個月都可簽兩至三張單，但近兩個月生意極慘淡，所以要「自己出返嚟跑」，但不做二手市場，因為近期多新盤開賣，決定轉去一手組碰運氣。
業界估計，即使7月份整體物業註冊量有力重上5,000宗，但此水平的宗數實際未算理想，自3D辣招後，物業交投持續偏低，整體註冊宗數僅於低水平徘徊。
劉兆昌 資深地產傳媒人
http://www.HKLau.com
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange