【誰人問津】
和黃部署放售百佳，昨日首次披露生意情況，去年百佳營業額達217億元。有外資分析員指，按香港情況評估，百佳純利率最多只有3至4%，即去年純利介乎6.5至8.6億元，相當於集團去年全年261億元純利的2至3%，難怪有「雞肋」之感。
按「叫價」上限156億元計，市盈率（PE）約9至18倍，估值並不吸引。該分析員說：「百佳主要收入來源嘅香港，已經係一個好成熟嘅市場，租金同人工又貴，可以做到3至4%純利率已好叻，若果唔係佢自己（長和系）有啲消費能力較高嘅中高檔嘅商場，可能做唔到呢個純利率㖭。」
「市場差唔多飽和」
他續稱：「由於香港超市市場差唔多飽和，就算10年前開始有大陸自由行呢條大水喉，都只係得金舖同埋名錶舖受惠，超市嘅生意額，每年都只係得單位數字增長，我覺得18倍PE太貴囉……就算用叫價嘅下限計，都要成10倍市盈率，唔算吸引，感覺好雞肋。」
他估計，最有能力及協同效應的潛在買家，應是華創旗下的華潤萬家，及曾在90年代在港開業、但最終被百佳及惠康夾擊而敗走的法資超市家樂福。就是否有興趣收購百佳，華創及另一超市龍頭惠康，其發言人均表示不予置評。家樂福及沃爾瑪，截稿前未有回覆。
和黃昨公佈連同港澳及華南地區，共有345間百佳店舖。記者統計其網頁，香港共有276間舖，約30家是在長和系旗下物業經營，佔比只有一成。城大經濟及金融系副教授李鉅威認為，可能李嘉誠有感現時租金高企下，百佳「唔係咁好賺」，所以寧願出售百佳套現，投資其他項目，二來亦可將現時百佳使用的舖位放租，賺取租金。
《蘋果》記者
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange