皇馬要玩殘阿仙奴？據報銀河艦隊準備向紅軍嘅烏拉圭射手蘇亞雷斯招手，諗住以阿根廷前鋒希古恩再加2,000萬鎊（約2.3億港元）作為籌碼利誘紅軍放人。眾所周知，希古恩原本都係兵工廠嘅獵物，但因為佢哋突然轉軚將阿蘇視為頭號目標，日前仲傳出話會加碼到4,000萬鎊去收購，所以希古恩呢單轉會先未成事。
皇馬今次出呢招，擺明想令兵工廠一無所有，買唔到阿蘇，又連希古恩都冇埋。阿蘇最終花落誰家未開估，但佢噚日就由烏拉圭直接飛去澳洲，同下周三友賽墨爾本勝利嘅紅軍會合，聲稱唔打算賣走佢嘅領隊羅渣士，到時一定會捉實佢，同佢傾傾未來去向。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange