【拆局】
今次和黃計劃出售百佳業務，官場及政界均相信是李澤鉅的主意，因為李澤鉅與父親李嘉誠營商理念有很大分別，李嘉誠對香港業務有感情，但李澤鉅只追求回報率，又認為目前香港政治、社會環境不利營商，早已將業務拓展目標放於海外，「對佢（李澤鉅）嚟講，香港係放假同見屋企人嘅地方，出埠先係傾生意」。
李嘉誠對港生意有感情
百佳放盤消息前晚曝光後，引起政商界議論紛紛。有認識李氏父子的官場人士稱，李嘉誠對香港業務仍有感情，一直對出售增長緩慢業務有保留：「李先生（李嘉誠）覺得香港始終係佢一手打落嘅根基，對盤生意有感情，賺得唔多，都唔想賣。」
但李澤鉅與父親看法則完全不同：「佢（李澤鉅）完全當一盤生意睇，全部講回報率、睇增長，唔達標就賣，唔會覺得香港生意唔賣得。」
認為香港社會越來越左
對於外界猜測今次賣百佳與政治有關，有政界人士稱李澤鉅曾私下說，香港近年政治、社會環境不利營商，「佢（李澤鉅）覺得香港同以前唔同，社會越嚟越左，政府又好、政黨又好，成日針對商界，我諗CY（梁振英）上台之後，更加強佢呢種睇法」。
所以有商界人士稱，自一、兩年前李澤鉅開始全面接掌長和系，已積極在海外「買嘢」，「佢成日話歐洲、澳洲好多嘢好抵買，回報率高過香港好多，使乜一定要喺香港投資」。對李澤鉅而言，香港只是放假的地方：「香港係放假同見屋企人嘅地方，出埠先係傾生意，佢目標係將和黃業務更加國際化。」
早在2010年，李澤鉅已公開說投資主要是考慮回報率、當地的法律穩定、政局穩定以及基建是否齊備，去年又指和黃在海外的投資，回報率有十多個百分點以上，直言「不是香港今日嘅政治環境可容許」。
港燈於去年收購英國Seabank Power Station權益後，和黃董事總經理霍建寧稱，港燈會繼續物色海外投資機會。
《蘋果》記者
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange