【本報訊】衛斯理穿梭科幻世界50年，半世紀艷福無邊，約400名讀者昨與倪匡研討衛斯理，數十年前書中提及的科技，今天竟然成真，倪匡說創作時「只是胡思亂想」；他信主，又信有靈界，直指神就是外星人。
78歲的倪匡昨出席書展衛斯理座談會與讀者對話，全場高呼拍掌，他幽默回應：「（我）又肥又老伯爺公，有乜嘢好睇呀！」
在個多小時的對答中，有讀者關心衛斯理下落和生活如何，倪匡一盤冷水照頭淋，「冇呢個人㗎，我虛構出嚟。不過虛構人物都有自己生活。」有讀者問衛斯理女友白素是否倪太李果珍寫照，他說：「唯一不同，太太唔睇衛斯理。」
有家長擔心小說兒童不宜，他稱若小朋友生理未成熟，不會有興趣，叫家長毋須擔心。有讀者問及會否修訂著作內容，倪匡說：「讀者唔了解我，向來寫完就算，懶得改錯漏。」至於會否有新作？「（創作）quota已用完，靈感幾時來，唔知。」
切蛋糕賀衛斯理50歲
倪匡信奉基督教，有讀者問他是否相信外星人，他答：「上帝就係外星人！有咁大能力（創造世界），只有外星人才做到。」他相信地球會毀於人類手中，又說與靈界常有接觸，「鬼係存在嘅能量，好以睇電視一樣，校啱頻道就睇到。」座談會後，倪匡到北角與書迷聚會，切蛋糕慶祝衛斯理誕生50周年。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange