【本報訊】生命狀元曾芷君為特殊教育請命，現實中這類學校卻處境嚴峻。專收多重弱能學童的慈恩學校，上月鬧出學校疏忽照顧導致學童骨折的風波，涉事學童的單親爸爸，事後企圖跳樓險釀慘劇，觸發逾十名慈恩家長組成關注組，聯署去信港府，效法已故全癱病人鄧紹斌（阿斌），代傷殘兒女要求安樂死，望喚起社會關注病童權益。
記者︰呂麗嬋
上周一，六、七個慈恩學校的家長，聚在一起，人人一肚苦水，「我哋係一班俾社會遺忘嘅人，孩子天生病痛已夠磨難，再好似人球咁俾人掟嚟掟去，冇晒尊嚴，生存仲有乜嘢意思？」家長盧潔華最激動，「學校已半癱瘓，編制上要五個全職護士，走剩兩個；物理治療部做咗貨倉，啲細路要吊臂先可以瞓上床，張床爛咗又冇換，離地咁遠放上張地毯，點會唔撞到周身瘀？」
原本是女強人的盧潔華，女兒嘉欣出生時與一般小朋友無異，直至兩歲，手指不尋常扭曲，「一年間智力急跌，由正常小朋友變嚴重智障，送資料去美國查咗五年，醫生話係基因突變，當年好似嘉欣一類病例，全球唔夠十個」。辭職照顧患病女，女兒入讀慈恩，由熱心的家教會主席，到義無反顧與學校對着幹，她直言冰封三尺非一日之寒。
促關注弱能學童權益
「一般家長唔鍾意國民教育，可以轉校，我哋呢批家長被迫困獸鬥，點會唔絕望？」一班家長聯同智障人士家長會組成「聯席」，去信政府重提安樂死，希望公眾關注弱能學童權益。
58歲的輝媽是另一絕望媽媽，為讓全身癱瘓的兒子上學，每日與外傭推着輪椅，讓一出世便因缺氧導致腦細胞壞死的兒子一嘗做學生的滋味。
「我已經比其他家長好彩，屋企有醫療器材，個仔唔使留喺學校院舍，但我已年近六十，老公都係老人，我哋死晒剩番個仔，你話搵邊個照顧好？」訪問在斷斷續續中進行，阿輝床邊的心臟機響過不停。盧太說：「我哋呢類家庭，好多老早破碎，捱到今日，就算佢哋唔識自己呼吸、食唔到嘢，一樣痛錫。安樂死，只係我哋呢班家長最無奈嘅呼號。」非常媽媽，痛下狠心，只因別無選擇。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange